ابيات من الشعر العربي الاصيل

بسم الله الرحمن الرحيم
والصلاة والسلام على اشرف خلق الله نبينا محمد وعلى أله اجمعين
حبيت ان تشاركوني ارآكم في هذه القصيده
وهي من كلماتي
وحبيت اطرحها لكم بعد انقطاع تام عن المنتدى اجمع لأكثر من العامين ونصف



---
يابو سعد عدّت على الفرقى سنين وسنين
وسنين فرقاك يافيها من حسره ومضره

والـى من حـن البـال لذكـراك تذرف العين
واذكر مامضى معك ثم تخنقني العبره

يابو سعد غبت وغابت معك ذكرى الطيبين
عوّد ترى مابقى للحزن غير هالنبره

اشتاقلك واشتاق لأيام عدت من بين اليدين
مابقى لي منها سوى قلوب منكسره

يابو سعد جيت بزمن الرجال فيه قليلين
جيت بزمن به الرجال في ندره

وكسبت وأكسبت من الطيب ماذكره الذاكرين
وياللي عرفنا الطيب من عطره وطهره

الليالي سيّرت وطيفك مره يختفي ومره يبين
وخويك على فرقاك ماقوى على صبره

يابو سعد رحلـت عن هواي ضعـف عامين
والى هاليوم ماشفت من يسواك بعمره

مابقى من الحكي والنوح عنك لو كلمتين
والقلم اللي كتب فيك جف حبره

---


اكتفي بهذا القدر واتمنى ان تنال اعجابكم
واتمنى قبل ذلك ارآكم ونقدكم ومروركم العطر

والسلام خير ختام