عم يقولو العيد 3 أيام..
عم يقولو أنو رح يمر على كل البلدان..
بس وقت يوصل ل"سوريا" رح يوقف ع الحدود..
رح يصفن مع حالو ويقول:كيف بدي فوت ع بلد الأطفال فيو مو لابسين أواعي العيد ؟!!
وألاقي بكل بيت فيه حزن ع شهيد ..
كيف بدي مر على شعب ماضل فيه حدا إلا وخسر انسان غالي عليهن ..
عجب فيني رجع البسمة اللي صرلا سنتين وشهور وايام ما ارتسمت ع شفاه حدا فيهن ..
كيف بدي ادخل ع شعب ربعو هاجر وربعو استشهد وربعو نازح والربع اللي ضل فيه كل يوم عم يموت الف موتة ..
وهيك ضل العيد واقف ع الحدود..
عم يفكر , كمل طريقي بدون ما مر ع سوريا !!؟ ولا مر ؟؟ يمكن اقدر حسن الوضع شوي ..
طيب إذا بدي مر كيف بدي اقطع الحواجز بكل طريق !!
طيب ممكن تأذيني النار اللي عم تشتعل على جوانب كل طريق !!
وهيك ضل العيد محتار ..مع أنو قلبو عم يغلي متل النار ..
كيف كل البلدان رح تعيد ..إلا سوريــــــــــــــــــــة عم تستشهد