برنامج امير سوف

ينوض صباح على الحداش

ساعة في الدوش

لثناش يحل النت

يشاتي يشاتي يشاتي حتى الربعة قد قد ....و يتفكر الظهر منسي

ينوض طاير يصليه ...وعلى السلام عليكم

يذن عليه العصر

يدير روحه هاز ايده منعرف واش يقول

وهو 90 بالمئة يدعو في ربي على" الراف كات 4*4 "

يصلي العصر ويطلع المرشي

يشري حوايج نعرفها كان انا وهو

ويدخل للكوزينة ينقد في اخواته على الماكلة ويحل في فمه ويدور في كرومته

ومن بعد يرجع للنت ....حتى 5 دقايقبعد اذان المغرب وماناضش لاهياته وحدة خليجية بالحديث ههههههه

تجي ماماه تجبد عليه اللاب توب وتقلو نوض افطر

ياكل حبات تمر ولا دقلة وجغمة حليب ويدير رشفات جاري

ويروح يركع للمغرب ويرجع يملاها على الاخر

خماير وطواجين وكفت وبوراك ويختمها بحبة زلابية و كاس عصير طبيعي

لعلمكم " الماء ميشربوش وميخليلوش بلاصة ههههه"

ويتمد شوي الي ان يذن العشاء

يصلي العشاء والتراويح ويرجع للنت للسحـــــــــــــــــــــــــــــــــــــــــــور باه يفهم روحة

منعرف يقرا قران ولا لا انا مسقسيتوس اكيد راه وصل ختمة ولا 2

****************************

****************

*****

*

الى اللقاء مع عضو اخر

ضع اسم العضو الذي تحب نكتبو برنامجة اليومي في رمضان